Tynn sverredress (28/10)

Dette er ei digital strikkeoppskrift.

Sverredress er ein tidlaus heildress med små og fine detaljar. Den er spesielt tiltenkt handfarga garn for å få fram fargespelet i garnet, men den gjer seg minst like fin som einsfarga. Dressen vert strikka ovanfrå og ned med vendepinnar (german short rows) i nakken for god passform. Den har brei raglan og nydeleg dobbel vrangbord rundt handleddet og ankelen. Dressen passar perfekt for både den erfarne, og den ferske strikkaren! Sjå fleire plagg i Sverre-serien for fin match! ♥︎

Denne dressen er ei perfekt baseoppskrift som ein kan lage sin eigen vri på. Du kan til dømes strikke striper eller brodere på den.

Oppskrifta inneheld detaljerte instruksjoner for å både strikke plagget fram og tilbake, eller å strikke rundt og klippe opp.

Dressen på bildet er strikka i Strikkeremme tynn merinoull i fargen vårteikn.

Størrelsar: (prematur) 0-1mnd (1-3) 3-6 (6-12) mnd 1-2 (2-3) år
Overvidde: ca (38) 44 (46) 51 (56) 62 (65) cm
Strikkefasthet: 28/10cm
Pinnar: 2,5 og 3,0mm
Garn: Strikkeremme tynn merinoull (100g = 400m)
Garnmengde: ca (100) 150 (150) 200 (200) 250 g 

Merk at garnforbruket aukar noko dersom du vel å strikke rundt.