Dette er ei digital strikkeoppskrift.
Sverregenser er ein tidlaus genser med små og fine detaljar. Genseren er spesielt tiltenkt handfarga garn for å få fram fargespelet i garnet, men den gjer seg minst like fin som einsfarga. Genseren vert strikka ovanfrå og ned med vendepinnar (german short rows) i nakken for god passform. Den har brei raglan, litt ballong-erme og nydeleg dobbel vrangbord rundt handleddet. Den er litt stor i størrelsen. Genseren passar perfekt for både den erfarne, og den ferske strikkaren!
Sjå Sverrelue og bukse for match!
Modellen i oppskrifta er strikka i Strikkeremme tjukk merinoull i fargen Moseskog.
Størrelsar:
3 (6) 9 månadar (1) 2 (4) 6 (8) år
Overvidde:
ca 58 (61) 63 (65) 70 (75) 79 (83)cm
Strikkefasthet:
22/10
Garn:
Strikkeremme handfarga garn tjukk merinoull (100g = 225m)
Garnmengde:
150 (150) 200 (200) 250 (300) 350 (350)g
Nøyaktige garnmengder
Dei som teststrikka genseren brukte (gjennomsnittleg): 275 (315) 360 (375) 545 (615) 655 meter med garn.
Glad i mohair?
Dersom du vil, kan du fint strikke denne genseren i tynn merino saman med ein følgetråd på pinne 3,5 og 4,0. Dersom du brukar Strikkeremme handfarga garn tynn merinoull (100g = 400m) saman med Strikkeremme handfarga garn mohair (50g = 240m) estimerer eg at du vil trenge 100 (100) 100 (100) 150 (200) 200 (200) gram tynn merinoull og 50 (50) 50 (50) 75 (100) 100 (100)g mohair. Merk: dette er KUN eit estimat, og har ikkje blitt testa av teststrikkarane. Hugs å sjekke strikkefasthet.
